الرئيسية / شعر عربي / شعر بعنوان :- القمر صحاني للشاعر / محمد السيد طه

شعر بعنوان :- القمر صحاني للشاعر / محمد السيد طه

بعنوان :- القمر صحاني
********************

في ليله وفي عز نومي
قام القمر صحاني
عايزني قال إيه
أعصر أفكاري
وأكتب قصيدة جديدة
في دفتر أشعاري

قالي أنا شايفك
بقيت عن شعرك كسلان
وحبيبة القلب نسيتها كمان
وزهرة روحك
بقت من الزهر الدبلان

قلتلة ياعم
إنت مالك ومالي
أنا ما بصدق عيني تنام
وأهرب من واقعي للأحلام

الواقع ده سجان
ساجن أحلامي
بين أربع حيطان
واسطة
ومحسوبية
ومعرفة
وقرابة كمان

أنا المظلوم
صوتي مسجون
بين قضبان ضلوعي
وقاضي قاعد
بيحكم بإعدام صوتي
وقلبي
واقف محامي دفاع
بيترافع بأن
أحلامي لغيري بتتباع

هل القمر بالبكا
من ضية على حالي
وقالي أنا أسف
صحيتك للأوجاع

بس نصيحة مني
قبل لما أمشي
ما تستسلمش للأحلام
وأستأذنك أنا بقى
وأسيبك أنت تنام

بقلم الشاعر / محمد السيد طه

” شاعر العاميه ”

عن محمد السيد طه

شاهد أيضاً

راضي النوارجي

ياسيدنا الكمسري

ياسيدنا الكمسري هوانت ليه علينا عنتري رحمه بينا يابيه قل اسيادك ماعاد معانا ولا جنيه …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *